最受歡迎嘅韓國Meal Kit
近幾年韓國都好流行呢啲Meal Kit！一齊睇下韓國人最鍾意邊幾款！
Hello，大家好，我哋係由韓國人每日提供最新韓國旅行資訊嘅Creatrip。
都市人嘅生活好忙，唔單止要成日開OT，有時放咗工返到屋企都仲要繼續做嘢，又點會有時間煮到一餐好豐盛嘅晚餐呢？其實韓國人好聰明，佢哋為咗方便呢一啲忙住返工返學嘅朋友，就出咗好多唔同嘅meal kit！呢啲meal kit 並唔係即食食物嚟㗎，而係真係新鮮食材，只係已經如好咗啱嘅份量俾你同埋煮嘅時間比較快啲咁解！小編同大家一齊睇吓韓國最流行啲乜嘢meal kit 啦！
最流行嘅韓國Meal Kit
隨便喺韓國嘅搜尋瀏覽器Naver搜尋 meal kit (밀키트) 就見到一個人氣嘅網購網站「Damzaa Mall」，佢哋有一欄係轉系買呢啲meal kit嘅！佢哋賣緊嘅款式真係有好多，我哋一齊睇吓有邊幾款係最高人氣同埋最抵食㗎啦！
1.辣炒年糕
第一款要為大家介紹嘅就係辣炒年糕啦。平時如果我哋要自己買齊晒整辣炒年糕嘅材料，就一定要買好大盒嘅辣椒醬、年糕、魚板等等，但而家只要用meal kit嘅話就真係超級方便！入面已經有齊晒兩人份嘅年糕、辣椒醬、蔥、魚板等等嘅材料，開咗爐只需要煮10分鐘就搞掂㗎啦！只需要8900韓幣（港幣65 ）左右就可以喺短短幾分鐘內搞掂一餐啦！
2. 嫩豆腐鍋
第二款要同大家介紹嘅就係呢一款嫩豆腐鍋啦！呢一個meal kit裡面已經幫你安排咗兩人份嘅材料，裏面包括有豆腐、牛肉、蔥、菜、翠玉瓜、洋蔥、辣椒、同埋醬料。煮嘅方法都好簡單，首先將牛肉炒一炒，然後將其他蔬菜都放埋入去一齊炒，最後落埋300毫升嘅水同埋醬料煮佢5分鐘就可以食㗎啦！
3. 漢堡包
大家又有冇諗過漢堡包係可以自己整？呢款meal kit裏面就有三個漢堡包嘅份量，包括有三個包、三份漢堡扒、蕃茄、洋蔥、芝士、生菜、芝麻等等。做法都好簡單就係先將洋蔥同埋漢堡扒煎好，然後就將所有配料一次過夾落個包度就可以㗎啦！喺屋企想食漢堡包只需要花10分鐘就可以搞掂，真係好方便！
4. 壽起燒火鍋
大家如果平日想打邊爐係咪要買好多材料呢？每一次買完好多材料返嚟其實都食好耐都食唔晒！而家只要買呢一個meal kit就可以一次過只買二至三人份嘅份量，包保唔會浪費啦！喺呢一個meal kit裏面有晒牛肉、生菜、金菇、雞髀菇、芽菜、面同埋需要用到嘅湯底包，大家只要將佢哋全部放晒落一個煲裏面就可以打邊爐啦！係咪好方便呢？
以上呢幾款就係韓國人經常會買嘅Meal Kit！如果香港都有多啲呢啲Meal Kit就好啦，可以更加方便慳返好多買餸時間。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
